Drejtori Përgjithshëm i Doganave, Gazheli merr pjesë në mbledhjen e Këshillit të OBD (Publikuar dt. 23/06/2022)

Drejtori i Përgjithshëm e Doganave, Genti Gazheli, merr pjesë në mbledhjen e Sesioneve  139/140 të Këshillit  të Organizatës Boterore të Doganave, organi më i lartë vendimmarrës i Organizatës.

Gjatë këtij takimi  që po zhvillohet selinë e OBD-së, në Bruksel, në datat 23-25 qershor 2022, z.Gazheli  zhvilloi një takim me Sekretarin e Përgjithshëm të OBD, Kunoi Mikuriya, si dhe me Drejtorët e Përgjithshëm të Doganave të Ballkanit Perendimor, Kosovës, Serbisë dhe Maqedonisë së Veriut.

Gjatë këtij Sesioni u trajtuan  tema,  si raportet standarde nga Komitete të ndryshme të OBD-së,  të cilat i nënshtrohen miratimit të Këshillit; çështjet që rrjedhin nga sesioni i 86-të i Komisionit të Politikave; mbështetja që shtetet anëtare po i japin Ukraninës si dhe Deklarata e Ukrainës për veprimet ushtarake të Federatës Ruse dhe Bjellorusisë, të cilat dëmtojnë bashkëpunimin global doganor.

Gjithashtu  pritet të bëhen nominimet dhe zgjedhjet për postet vakante dhe përfaqësimin rajonal, ku një prej votimeve më të rëndësishme ishte ajo për postin e Zëvendës Sekretarit të Përgjithshëm të OBD për periudhën 2023-2027.