Gazheli: Të forcojmë bashkëpunimin rajonal në luftën kundër trafiqeve të paligjshme

Drejtori i Përgjithshëm i Doganave, Genti Gazheli, mori pjesë në takimin e Nismës së 13-të të Kufirit Jugor (SBI), mbështetur nga përmes programit të saj për Kontrollin e Eksportit dhe Sigurimin e Kufijve (EXBS), dhe Ambasada Amerikane.

Gjatë këtij takimi u theksua bashkëpunimi efikas ndërkufitar që synon t’u japë zgjidhje prirjeve kriminale të përbashkëta përgjatë kufijve të Shqipërisë, Kosovës, Malit të Zi dhe Maqedonisë së Veriut.

Ky program është krijuar në 2017 si një nevojë për të modernizuar shkëmbimin e informacionit për të luftuar krimin ndërkufitar, bashkëpunimi i qëndrueshëm midis agjencive të zbatimit të ligjit kufitar duke qenë në themel të kësaj Nisme.

Takimi i 13-të i SBI ishte një hap tjetër përpara në nxitjen e bashkëpunimit të mirë, i cili synon parandalimin dhe adresimin e krimit ndërkufitar, si dhe krijimin e standardeve për lehtësimin e tregtisë.