Gjokuta: Biznesi partner në punën e strukturave doganore

Administrata Doganore Shqiptare në përmbushje të misionit të saj e konsideron biznesin partner në punën e përditshme. Në këtë kuadër Drejtori i Përgjithshëm i Doganave, Arlind Gjokuta, priti në një takim drejtuesit e Dhomës Amerikane të Tregtisë, ku u diskutuan mjaft tema në interes të dy paleve. Gjatë takimit u vlerësua shumë asistenca dhe bashkëpunimi me ADSH si dhe zgjidhja e problemeve të ngritura nga DHAT.Disa nga temat që u trajtuan ishin trajnimi i vazhdueshëm për pronësinë intelektuale, parandalimi dhe ndalimi i futjes në treg i produkteve të falsifikuara, çmimet e referencave dhe respektimi i radhës së përdorimit të metodave të vlerësimit doganor. Gjithashtu u diskutua mbi instruksione të qarta kur pranohet apo refuzohet vetëkorigjimi i deklaratës doganore kërkuar nga deklaruesi, informimi i subjekteve ( jo vetëm i agjensive doganore/deklaruesve) para hyrjes në fuqi të udhëzimeve të DPD-së, si dhe krijimi i mundësisë së subjekteve për të kontrolluar online llogaritë e tyre parapaguese.

Kreu i Doganave, Gjokuta, në emër të ADSH-së shprehu disponibilitetin për diskutimin me transparencë dhe zgjidhjen bashkërisht të problematikave të anëtarëve të DHAT, sigurisht në respektim të kuadrit ligjor respektiv.