Rrjeti Evropian i Laboratorëve Doganorë (Vështrim i përgjithshëm)

Grupi i Laboratorëve Doganorë Evropianë (GCL) u krijua në vitin 1999 dhe kishte si objektiv të koordinonte dhe të promovonte aktivitetet e Laboratorëve Doganorë Evropianë.

Me Programin e Doganave 2020, në vitin 2014, GCL mori emrin Rrjeti i Laboratorëve Doganorë Evropianë (CLEN). Misioni i CLEN është të veprojë si një trup këshillues i DG TAXUD në të gjitha çështjet që kanë të bëjnë me laboratorët, kimikatet, etj.

Laboratori Doganor, tashmë anëtar i CLEN është regjistruar dhe merr pjesë rregullisht në Mbledhjet Plenare dhe Testet e Zotësisë, të organizuara prej tij. Pjesëmarrja në evente të tilla e rrit më shumë profesionalizmin, nivelin e shkëmbimit të informacionit dhe të ekspertizës dhe do të ndihmojë në harmonizimin e laboratorit tonë me laboratorët doganorë Evropianë, qoftë përsa i përket metodave analitike, ashtu edhe përsa i takon klasifikimit tarifor të mallrave.