Përllogaritje detyrimesh doganore > Rregullat e Origjinës >
RREGULLAT E ORIGJINES PEM 2025
Rregullat e origjinës bazuar në Konventën pan-Euro-Mediteriane 1 janar - 31 dhjetor 2025
Konventa Rajonale e Rishikuar për rregullat preferenciale pan-Euro-Mesdhetare (Ligji 59/2024) do të hyjë në fuqi më 1 janar 2025. Konventa e Rishikuar duhej të zëvendësonte plotësisht rregullat e mëparshme në këtë datë.
Por jo të gjitha shtetet partnere në Konventë i kanë ratifikuar rregullat e reja të origjinës deri më 31 dhjetor 2024, prandaj më 12 dhjetor 2024, Komiteti i Përbashkët i Konventës PEM miratoi një Vendim (Vendimi 2/2024) në lidhje me zbatimin e dispozitave kalimtare, të zbatueshme që nga 1 janari 2025.
Qëllimi kryesor i dispozitave kalimtare është ruajtja e rregullave të vitit 2012 të zbatueshme paralelisht me rregullat e vitit 2023 ndërmjet Palëve Kontraktuese për të cilat rregullat e 2023 hyjnë në fuqi. Operatorët ekonomikë kanë mundësinë të zgjedhin midis dy grupeve të zbatueshme të rregullave, bazuar në zinxhirët e tyre të furnizimit.
Kështu pas 1 janarit 2025 do të vazhdojnë të ekzistojnë dy grupe të ndryshme rregullash për tregtinë preferenciale në zonën PEM. Rregullat e origjinës së Konventës (Ligji 1/2012) dhe Rregullat e origjinës së Konventës së Rishikuar (Ligji 59/2024).
Për informacion më të detajuar në lidhje me zbatimin e dispozitave kalimtare ju lutemi të konsultoheni me UDHËZIMIN Nr 5 date 31.12.2024-.
Mundësitë e kumulimit në zonën PEM që nga 1 janari 2025 pasqyrohen në njoftimin e Komisionit Evropian në lidhje me zbatimin e Konventës PEM ose protokollet mbi rregullat e origjinës që parashikojnë kumulimin diagonal midis Palëve Kontraktuese të kësaj Konvente (matricë). Ju lutemi të konsultoheni me skemën e kumulimit e cila gjatë vitit 2025 do të jetë në përditësim të vazhdueshëm.
Të gjitha provat e origjinës preferenciale të lëshuara ose të bëra përpara datës 1 janar 2025 do të njihen pas datës 1 janar 2025 brenda afatit të vlefshmërisë së tyre. Mallrat për të cilat prova e origjinës është lëshuar përpara datës 1 janar 2025 në përputhje me rregullat e origjinës të zbatueshme në mënyrë alternative mund të përdoren për kumulim sipas Konventës Rajonale të Rishikuar.
Nga 1 janari 2026, në të gjithë zonën e PEM do të zbatohen vetëm rregullat e Konventës së Rishikuar PEM dhe për rrjedhojë vetëm një grup rregullash origjine. Të gjitha rregullat kalimtare të origjinës ( Vendimi 2/2024) nuk do të zbatohen më.
