NJOFTIM Nr. 3 PËR MARRJEN ME QIRA TË PASURISË NGA TË TRETËT PËR USHTRIM AKTIVITETI DOGANOR NGA DEGA DOGANORE KORÇË (Parking doganor)

1.   Drejtoria e Përgjithshme e Doganave njofton të interesuarit/konkurrentët se kërkon të marrë me qira godinë/objekt ndërtimor për ushtrimin e veprimtarisë doganore të Degës së Doganës Korçë, duke u bazuar në kriteret e mëposhtme:
-          Të jetë sipërfaqe jo më pak se 5294 m², e domosdoshme për ushtrimin e veprimtarisë   doganore prej te cilave sipas nëndarjeve duhen:
-          Sipërfaqe ndërtese jo me pak se 94 m2, e cila të jetë e përshtëshme sipas kushteve të mëposhtëme
                                                        i.            zyrat të kenë dritë natyrale,
                                                        ii.            ngrohje dhe kushte të përshtatëshme pune për vendosjen e zyrave operacionale dhe të mbikqyrjes
                                                        iii.            garderobë
                                                        iv.            rrjet IT
                                                        v.            tualete
                                                        vi.            etj.

-          Sipërfaqe truall për vendosje platformë peshore 150 m2 ;
-          Sipërfaqe magazinë jo më pak se 50 m2 (për mallrat që kontrollohen) ;
-          Sipërfaqe truall për parking doganor jo më pak se 5000 m2 (të jetë e sheshuar dhe e ndriçuar, lehtësisht e monitorueshme nga autoriteti doganor.
-          Vendndodhja e ambjenteve të jetë në afërsi të aksit Kombëtar Korçë-Kapshticë, lehtësisht e identifikueshme dhe objekti të ketë ambiente të përshtatshme për zyra, parkim automjetesh dhe për agjensi doganore;
-          Të ketë sipërfaqe të mjaftueshme për mbarëvajtjen  punës.
-          Duke u nisur nga rëndësia e Institucionit të jetë e përshtatshme për ruajtjen e sigurisë së ambjenteve;
-          Të jetë një objekt qëllimi i të cilit të jetë kryesisht për ambjente pune;
-          Në objekt të jetë i siguruar furnizmi pa ndërpreje energji elektrike, të ketë sistem ngrohje të instaluar ;
-          Objekti të jetë i hipotekuar dhe të ketë një plan rilevimi të hartuar nga një inxhinjer/subjekt i liçensuar;
-          Të jetë një ndërtesë lehtësisht e përshtatshme për ambiente pune, pasi Dega Doganore Korçë nuk disponon fonde për përshtatjen e saj për zyra;
-          Vlera fillestare për konkurrim është 2,422,351 lekë (dy milion e katërqind e njëzet e dymijë e treqind e pesëdhjetë e një) lekë (vjetore) referuar VKM-së 469 datë 03.06.2015.

2.              Ofertat që do të paraqesin konkurrentët për konkurrim përbëhet nga dokumentacioni i mëposhtëm:

a.              Kërkesa e subjektit për pjesëmarrje në konkurrim;
b.              Deklarata e hollësishme për vënien në funksionim të objektit, për veprimtari doganore;
c.               Oferta për vlerën e detyrimit mujor të qirasë;
d.      Formulari i sigurimit të ofertës në vlerën 2% të VFQ. Sigurimi i ofertës është i vlefshëm për 100 ditë nga afati përfundimtar për dorëzimin e ofertave.
e.       Vërtetimi që konfirmon shlyerjen e të gjitha detyrimeve të maturuara të energjisë elektrike të kontratave të energjisë që ka subjekti konkurrues. Mosshlyerja e detyrimeve të energjisë elektrike përbën shkak për skualifikimin e konkurruesit, përveç rastit kur rezulton se detyrimet e papaguara të energjisë elektrike, të konfirmuara në vërtetimin e lëshuar nga furnizuesi, janë në proces ankimi në gjykatë.
f.                 NIPT/NUIS-i, certifikata e regjistrimit dhe certifikata historike e regjistrimit të subjektit në QKR;
g.              Vërtetimi nga Dega e Tatimeve se subjekti ka shlyer detyrimet tatimore dhe sigurimet shoqërore;
h.             Vërtetime nga institucionet përkatëse që nuk është në ndjekje penale, si dhe nuk ka procese gjyqësore në lidhje me aktivitetin. 

Ky dokumentacion të paraqitet në një zarf, të mbyllur, nënshkruar nga konkurruesi, me mbishkrimin “Ofertë për dhënie me qira” dhe i dorëzohet KMQ në orën e hapjes së konkurrimit

Mosparaqitja e njërit prej dokumentave të mësipërme përbën kusht skualifikues.

3.      Vendi i zhvillimit te konkurrimit: Drejtoria e Përgjithshme e Doganave, zyra e Drejtorisë së Burimeve Mbështetëse, me adresë:

DREJTORIA E PËRGJITHSHME E DOGANAVE,

Adresa: Autostrada Tiranë-Durrës, Km 1, Rr. Industriale, Pajtoni Center, kati 5

4.      Ofertat dorëzohen nga të interesuarit/konkurrentët fizikisht, me postë ose dorazi, në vendin e përcaktuar për zhvillimin e konkurrimit.

5.      Afati i fundit kohor për dorëzimin e ofertave konkurruese: 27/04/2022.