Sekuestrohet 7.25 kg lëndë narkotike në Portin e Durrësit

Strukturat Doganore në bashkëpunim me

Policia Kufitare, strukturat hetimore të Drejtorisë Vendore të Policisë Durrës, gjatë një aksioni  të përbashkët sekuestruan 7.25  kg  lëndë narkotike kokainë.

Në vijim të operacionit "Rada", nga Task Forca permanente që vepron në Portin e Durrësit është ushtruar kontroll i imtësishëm disa kontenierë, ku si rezultat në një nga kontenierët u gjet dhe u sekuestrua sasia e lëndës narkotike e dyshuar kokainë.

Task Forca permanente që operon në Portin e Durrësit vijon veprimet hetimore, nën drejtimin e një grupi të posaçëm prokurorësh të Prokurorisë së Rrethit Gjyqësor Durrës dhe të SPAK-ut.