Hapet Dogana e Kapshticës, në shërbim 24 orë

Dega Doganore e Kapshticës do të funksionojë 24 orë, pa orar të limituar në shërbim të qytetarëve dhe bizneseve.
Autoritetet e Policisë Greke, kanë njoftuar palën shqiptare se do të lejohet hyrja për në Greqi, për shtetasit shqiptarë me pasaportë, shtetasit me leje qendrimi greke, shtetasit e tjerë europianë, të cilët duhet të jenë të pajisur me testin e COVID-19 dhe të kenë të plotësuar formularin e regjistrimit PLF në adresën www.travel.gov.gr
Sipas këtij njoftimi, qytetarët pasi të kenë marrë konfirmimin, do të lejohen për të hyrë në shtetin grek.
Do të lejohen gjithashtu të hyjnë në Greqi, mjetet e tonazhit të rëndë dhe autobusa, drejtuesit e të cilëve duhet të bëjnë regjistrimin e formularit PLF dhe duhet t'i nënshtrohen një testi të shpejtë COVID-19, pranë palës greke të kësaj pike kalimi.