Durrës, sekuestrohen rreth 49 kg lëndë narkotike

Strukturat doganore në bashkëpunim me strukturat e Policisë së Shtetit, sekuestruan gjatë një operacioni në Portin e Durrësit, rreth 49 kilogramë lëndë e dyshuar narkotike kokainë.

Në vijim të punës për parandalimin, evidentimin dhe goditjen e trafikimit të lëndëve narkotike, bazuar në informacionet e marra në rrugë operative dhe hetimet e kryera se në një kontenier fshihej një sasi e konsiderueshme lënde narkotike kokainë, strukturat doganore ushtruan kontroll në disa kontenierë ku pas kalimit në skanim u identifikua lënda narkotike

Pas këtij identifikimi  nga strukturat ligjzbatuese në Portin e Durrësit, u bë i mundur arrestimi në flagrance i poseduesit të  lëndës narkotike, shtetasit me inicialet S.Ç.

Për arsye hetimore nuk jepen detaje të tjera rreth operacionit.

Materialet i kaluan Prokurorisë së Rrethit Gjyqësor Durrës, për veprime të mëtejshme.