Për testimin dhe liçensimin e agjentëve doganor

URDHËR

Për testimin dhe liçensimin e agjentëve doganor

Në zbatim të neneve 24 — 26 të Ligjit nr. 102/2014, datë 31.07.2014 "Kodi Doganor i Republikës së Shqipërisë" i ndryshuar; neneve 78 - 88 të Vendimit të Këshillit të Ministrave Nr. 651, datë 10.11.2017 “Për dispozitat zbatuese të ligjit nr. 102/2014, Kodi Doganor i Republikës së Shqipërisë” si dhe Udhëzimin Nr.5, datë 28.03.2019, "Për Zbatimin Praktik të Procedurave për Miratimin dhe Funksionimin e Përfaqësimit në Doganë, kreu VII, njoftojmë se:

• Testimi për agjentë doganor do të organizohet në datën 03 Tetor 2019 në ambientet e Degës Doganore Tiranë, Terminali doganor Vorë, në orën 10°° .
• Testimi do të jetë me shkrim dhe në mënyrë elektronike, do të përmbajë pyetje mbi njohuritë e përgjithshme dhe zbatimin praktik të Kodit Doganor dhe Dispozitave Zbatuese. Minimumi i pikëve për të fituar testimin do të jetë mbi 70 pikë.