Kapshtice, kapen 9 kg duhan i grire kontrabande

Strukturat e Administrates Doganore te Deges Kapshtice, ne Korce, kane sekuestruar 9 kg duhan te grire, qe pretendonin ta kalonin kontrabande. Bazuar ne analizen e riskut nga ana e strukturave doganore eshte derguar ne vijen e dyte te kontrollit automjeti i tipit Nisan
drejtuar nga shtetasi me inicialet I.B. Mjeti u perzgjodh me risk dhe u dergua per te kryer skanim.Nga kryerja e skanerit mjeti u markua me te kuq ne pjesen e dyerve te mbrapme. Ne bashkepunim me policine kufitare mjeti u cmontua ne magazine. Nga kontrolli i plote fizik u gjeten te fshehura ne pjesen e brendshme te dyerve te mbrapme 360 pako me duhan te grire nga 25 gram secila. Edhe pse ato dispononin pulla te rregullta fiskale, nuk jane deklaruar ne Dogane, cka bazuar ne nenin 266 te Kodit Doganor, klasifikohet si kontrabande.
Pas ketij konstatimi eshte ndaluar nga strukturat doganore shoferi I.B. ndersa procedurat i kane kaluar per ndjekje policise gjyqesore te rrethit Korce, per veprën penale: “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, parashikuar nga neni 172, të Kodit  Penal .