Në Degën e Doganës Rinas pezullohet hedhja për konsum e një sasie të konsiderueshme aksesorësh për celularë, të dyshuar si të falsifikuar

Në Degën e Doganës Rinas, në kuadër të luftës kundër falsifikimit të markave dhe mbrojtjes së konsumatorit, u pezullua hedhja për konsum e një sasie të konsiderueshme aksesorësh për celularë të markave Samsung, AKG, IPHONE, etj., të dyshuar si të falsifikuar.

Kjo sasi përbëhet nga 2274 copë USB data kabëll, 1712 copë ushqyes celulari, 910 copë ekrane LCD, 280 copë kufje.

Autoritetet doganore u kanë kërkuar përfaqësuesve të mbajtjes të së drejtës të këtyre markave, të shprehen mbi origjinalitetin e mallrave të pezulluara për hedhje për konsum.