Kryeministri takim në Doganën e Tiranës me importues, eksportues dhe përfaqësues të zinxhirit të furnizimit me produktet e shportës (Publikuar dt. 30/03/2022)

Kryeministri Edi Rama dhe Ministrja e Financave dhe Ekonomisë, Delina Ibrahimaj, dhe Drejtori i Përgjithsjëm i Doganave, Genti Gazheli,  zhvilluan një bashkëbisedim me importues, eksportues dhe përfaqësues të zinxhirit të furnizimit me produktet e shportës, në kushtet kur lufta në Ukrainë ka prekur zinxhirin e marrëdhënieve tregtare në Europë e në botë.

Administrata Doganore është ndër institucionet që ka lehtësuar procedurat në ndihmë të sipërmarrjes import-eksport, ku është  ulur ndjeshëm koha e përpunimit të deklaratave doganore për t’i kursyer kohë dhe kosto biznesit, si dhe  34 shërbime ofrohen online aktualisht duke e bërë doganën moderne dhe të digjitalizuar.

Ndërkohë Kryeministri Rama informoi përfaqësuesit e biznesit se Ministria e Financave dhe Ekonomisë po punon për një instrument Garancie Sovrane, që do t’i shërbejë biznesit për të marr kredi, me shtetin si garantues, për kapital qarkullues për lëndët dhe e ushqimet bazë.

“Ne kemi vendosur garancinë sovrane për ju, që ju ta merrni dhe ta përdorni me garanci të plotë të shtetit çdo kredi, për të marrë edhe më shumë furnizim se zakonisht, për ta pasur aty për çdo rast në afat të gjatë, sepse sot për sot të gjithë depot janë plot, me mirëkuptimin e shkruar jo me fjale, që çdo gjë që do mbetet do e marrë shteti.” – u shpreh Kryeministri.

Në kushtet kur çmimet e produkteve kanë pësuar rritje si pasojë e luftës në Ukrainë dhe rritjes sëçmimeve të energjisë elektrike dhe hidrokarbureve, Ministrja e Financave dhe Ekonomisë, Delina Ibrahimaj, theksoi rëndësinëe gjendjes së produkteve në treg.

Një tjetër element i rëndësishëm në këtë situatë, theksoi Ibrahimaj, është transparenca mbi çmimet e produkteve në treg dhe mungesa e abuzimeve.

“Ne kemi krijuar Bordin, i cili po funksionon dhe ka dhënë efekt në reduktimin e pjesshëm të çmimeve të disa produkteve bazë dhe po bashkëpunojmë për ofrimin. Nëpërmjet bashkëpunimit që kemi krijuar, si me pakicën, ashtu edhe me shumicën, ne do t’ju ofrojmë të gjithë konsumatorëve ato produkte për të cilat kanë nevojë dhe nuk do të lejojmë që në këtë moment të ketë spekulime mbi çmimet, nëse do të ketë rritje. Çmimi i konsumatorit të reflektojë atë çmim që realisht faturohet dhe jo një çmim qëpritet në të ardhmen”, u shpreh Ministrja.

Gjatë takimit, u diskutua ndër të tjera ecuria e masave të ndërmarra deri tani nga qeveria, si pjesë e Paketës së Rezistencës Sociale.