Gazheli-Kim: Forcojmë bashkëpunimin për sigurinë në kufi dhe lehtësimin e tregtisë (Publikuar dt. 24/11/2021)

Drejtori i Përgjithshëm i Doganave, Genti Gazheli, zhvilloi një takim me Ambasadoren e SHBA, në Tiranë, Yuri Kim, në mjediset e Drejtorisë së Përgjithshme të Doganave.
Gazheli e informoi Ambasadoren mbi aktivitetin e institucionit që ai drejton, ku e vuri theksin mbi rëndësinë e lehtësimit të biznesit të ligjshëm, kontrollin e lëvizjes së mallrave, luftën kundër korrupsionit dhe trafiqeve të paligjshme.
Znj Kim vlerësoi rolin e Doganës Shqiptare si shumë të rëndësishme në lehtësimin e klimës së biznesit, si dhe premtoi mbështetjen e saj të plotë.
"Është mirë kur shikon që importet janë rritur me 17%, ndërsa eksportet janë rritur me 33% deri më tani këtë vit. Trendi i mirë.
Forcimi i kontrolleve doganore do të rrisë gjithashtu të ardhurat për vendin. Deri më tani këtë vit, Dogana ka mbledhur 1,5 miliardë dollarë - një rritje e madhe nga 1,1 miliardë dollarë në të gjithë vitin 2020. SHBA do të forcojë më tej mbështetjen për të forcuar sigurinë kufitare, për të rritur të ardhurat dhe për të rritur biznesin midis dhe dy vendeve tona", u shpreh znj. Kim gjatë këtij takimi.
Respektimi i të gjitha standardeve ndërkombëtare në shërbim të qytetarëve dhe bizneseve është prioritet i Doganës Shqiptare.