Doganat Shqiptare pjesë e projekteve të BE në luftën ndaj mallrave të falsifikuara (Publikuar dt. 17/11/2021)

Administrata Doganore Shqiptare dhe Agjencia për Integrim Evropian dhe Zhvillim Ekonomik (AIE) përmbyllën me sukses Projektit të Binjakëzimit të Financuar nga Bashkimi Evropian me objekt “Mbështetje për Administratën Doganore Shqiptare në lidhje me zbatimin e Kodit Doganor të BE dhe rritjen e kapaciteteve operacionale në fushën e mallrave të falsifikuara".

Qëllimi kryesor i këtij projekti ishte përafrimi i akteve nënligjore të Doganës dhe legjislacionit terciar me standardet më të fundit të BE-së, si dhe implementimi i një sistemi elektronik në funksion të mbrojtjes së të drejtave të pronesëse intektuale.

Duke folur në ceremoninë e mbylljes, Drejtori i Përgjithshëm i Doganave, z. Genti Gazheli, theksoi rëndësinë e këtij projekti duke vënë në dukje se Projekti i Binjakëzimit gjithashtu dha një mbështeje për administratën doganore shqiptare në luftën kundër mallrave të falsifikuara duke ndarë praktikat më të mira të BE.

"Ky kontribut konsiderohet veçanërisht i rëndësishëm, pasi lufta kundër mallrave të falsifikuara dhe pirate në BE konsiderohet i një rëndësie parësore dhe i tillë duhet të konsiderohet edhe në Shqipëri, kjo edhe në respektim të detyrimeve në kuadër të MSA e jo vetëm. Për këtë arsye trajnimi i 87 doganierëve në pikat kufitare prej ekspertëve austriakë ishte shumë i dobishëm sepse doganierët mundën të përfitonin nga përvoja e tyre në këtë fushë, si dhe të forconin vetëdijen për rëndësinë e mbrojtjes se te drejtave te pronesise intelektuale nga sistemi doganor", u shpreh Gazheli.

Hubert Perr, Shef i Bashkëpunimit në Delegacionin e BE-së në Shqipëri, vlerësoi se "projekti është një shembull i ekipit të Evropës, një partneritet me vendet anëtare të BE-së dhe Shqipërinë. "Me tregtinë elektronike në rritje, roli i administratave doganore është gjithnjë e më i rëndësishëm përtej mbledhjes së të ardhurave. Mos lejimi i mallrave të falsifikuara dhe të cilësisë së ulët në vend mbron shëndetin dhe sigurinë e shqiptarëve. Në të njëjtën kohë, bizneset inkurajohen të jenë kreative dhe inovative sepse të drejtat e tyre të pronësisë intelektuale mbrohen më mirë", tha Ai.

Ky projekt është në vazhdën e mbështetjes që i është dhënë ndër vite Administratës Doganore Shqiptare nga Delegacioni i Bashkimit Evropian, dhe kishte një blerë prej 400 mijë euro. Në kuadër të fondeve IPA, në 8 vitet e fundit, Dogana Shqiptare ka përfituar rreth 12 milionë Euro në projekte të ndryshme në funksion të modernizimit të saj.

Shqipëria aktualisht është në prag të hapjes së negociatave me BE dhe Kapitulli 29 është një nga zërat kryesorë dhe më të rëndësishëm në këtë proces.