Bashkëpunimi me Austrinë- Gazheli zhvillon takim me Ambasadorin e Austrisë në Shqipëri Dr. Christian Steiner (Publikuar dt. 21/09/2021)

Drejtori i Përgjithshëm i Doganave, Genti Gazheli priti në një takim zyrtar,në mjediset e DPD, Ambasadorin e Austrisë në Shqipëri Dr. Christian Steiner.

Gjatë këtij takimi bashkëbiseduesit theksuan, se është shumë e rëndësishme rritja e bashkëpunimit në fushën e lehtësimit të tregtisë bazuar në Marrëveshjen e nënshkruar mes dy vendeve për bashkëpunimin në fushën e doganave.

Në fjalën e tij kreu i Doganws Shqiptare, Gazheli, falenderoi Ambasadorin Dr. Steiner për mbështetjen e vazhdueshme në fushën e rritjes dhe forcimit të kapaciteteve të Administratës Doganore,  kryesisht nëpërmjet Projektit të Binjakëzimit mes dy Autoriteteve Doganore në kuadër të asistencës financiare të Bashkimit Evropian me fondet IPA 2018.

Mes dy administratave doganore ka patur bashkëpunim të suksesshëm në shkëmbimin e informacioneve, trajnimeve, përafrimin e legjislacionit me acuqi-communitaire etj.

Ambasadori Dr. Steiner vlerësoi nga ana e tij progresin e Shqipërisë në procesin e integrimit,  sidomos në fushën e doganave, praninë e investitorëve austriakë në tregun shqiptar dhe ecurinë e suksesshme të projektit të Binjakëzimit mes dy administrative doganore të Austrisë dhe Shqipërisë duke konfirmuar thellimin e bashkëpunimit. 

Vëllimet tregtare mes Shqipërisë dhe Austrisë ishin më shumë se 60 milionë euro në vitin 2020,  ndërkohë që janë rritur ndjeshëm në gjysmën e parë të vitit 2021 me rritje 51 % të eksporteve në vlerë dhe rritje 33 % të importeve.