Monitor: Të ardhurat nga doganat, një rekord historik, 102 miliardë lekë për 7 muaj (Publikuar dt. 20/08/2021)

Të ardhurat nga doganat arritën në rreth 102 miliardë lekë për peruidhën janar korrik të këtij viti, në një nivel rekord historik, duke sinjalizuar një përmirësim të konsumit dhe rigjallërim të ekonomisë.

Sipas të dhënave zyrtare nga Drejtoria e Përgjithshme e Doganave, në raport me 7 mujorin e një viti më parë, kur vendi po vuante pasojat e pandemisë, arkëtimet në dogana u rritën me 24% (+19.7 miliardë lekë). Edhe në raport me 7 mujorin normal të 2019-n, të ardhurat janë 10.4% më të larta.

Drejtori i Përgjithshëm i Doganave z. Genti Gazheli shprehet për Monitor se “rritja e të ardhurave në nivel rekord për 7 mujorin 2021 ka ardhur si rezultat i rritjes së kërkesës së brendshme dhe rritjes ekonomike, mirëmenaxhimit të administratës doganore, lehtësimit të eksporteve dhe mbikëqyrjes efektive në importeve, digjitalizimit dhe shërbimit ndaj shtetasve dhe biznesit në çdo pikë doganore 24/7”.

Për më tepër linku: https://www.monitor.al/rritja-e-importeve-con-te-ardhurat-nga-doganat-ne-rekord-historik-rreth-102-miliarde-leke-per-7-muaj/