Shqipëri-Maqedoni, rrisin bashkëpunimin për kontrolle të përbashkëta në pikën kufitare Qafë Thanë- Kjafasan (Publikuar dt. 15/07/2021)

Rritja e bashkëpunimit dhe efikasitetit në kontrollet kufitare mes Shqipërisë dhe Maqëdonisë, ishte kryefjala e aktivitetit të  zhvilluar në pikën kufitare Qafë Thanë- Kjafasan.

Në këtë event ku u dorëzuan një sasi pajisjesh të blera nga USAID, ishin të  pranishëm Drejtori i Përgjithshëm i Doganave të Shqipërisë,  Genti Gazheli, Ambasadore e ShBA në Shqipëri, Yuri Kim, Ambasadore e SHBA në Maqedoninë e Veriut, Kate Marie Byrnes dhe  Drejtori i Administratës Doganore të Maqedonisë së Veriut, Goran Sugareski. Këto pajisje sigurojnë që autoritetet doganore të arrijnë standarde më të larta në procedurat kufitare, lehtësimin e klimës  për biznesin dhe kontrolleve për sigurinë në kufi.

Gjatë fjalës së tij në këtë aktivitet, Drejtori i Përgjithshëm i Doganave Shqiptare, Genti Gazheli, vlerësoi mbështetjen e Qeverisë Amerikane, që përmes USAID-it, në këtë iniciative të rëndësishme rajonale, teknologjia dhe pajisjet mund të jenë shtesë e rëndësishme për çdo sistem të përbashkët të menaxhimit të kufirit.

“Ato janë efektive vetëm nëse përfshihen siç duhet në përpjekjet e planifikuara operacionale dhe kapitalizohen bashkërisht në për sukses më të madh, tha Gazheli,  duke shtuar,  se ne të gjithë jemi zotuar të vazhdojmë ta bëjmë së bashku  më të mirën këtu dhe në të gjitha pikat e kalimit kufitar në rajon”.

Zhvillimi i një qasje të integruar ndaj menaxhimit të kufirit në sistemin e sigurisë dhe të lehtësimit të tregtisë janë prioritet,  tha Gazheli.

Sipas tij, asnjë strukturë e vetme fizike nuk do të jetë e mjaftueshme, përkundrazi një sistem gjithëpërfshirës, i integruar, planifikim i përbashkët, pajisje të përshtatshme dhe trajnimet e përbashkëta janë thelbësore për menaxhimin efektiv të kufirit.

E pranishme në ceremoninë e dhurimit të pajisjeve nga USAID për autoritetet doganore, Ambasadorja Kim ritheksoi mbështetjen e integrimit të  Shqipërisë dhe Maqedonisë së Veriut.

Doganat Shqiptare bashkëpunojnë me Drejtorinë Doganore të Maqedonisë edhe në kuadër të anëtarësimit dhe aktiviteteve të përbashkëta me Organizatën Botërore të Doganave, si dhe aktivitete rajonale të organizuara nga SELEC ose projekte të ndryshme.