Ambasada e USA dhuron një sasi laptop-ë për Administratën Doganore (Publikuar dt. 08/04/2021)

Administrata Doganore Shqiptare synon që krahas misionit të saj mbrojtës të kufijve, eleminimin e trafiqeve dhe kontrabandës, të përmirësojë nga ana profesionale dhe teknologjike stafin e saj .
Përfaqësues të Programit EXBS (Export Control and Related Border Security) për Kontrollin e Eksporteve dhe Sigurinë Kufitare, pranë Ambasadës Amerikane në Tiranës, në kuadër të bashkëpunimit me Doganat Shqiptare, dhuruan një sasi të konsiderueshme laptop-ë për njësinë e Antitrafikut.
Sasia e laptop-ëve iu dorëzua drejtorit të Përgjithshëm të Doganave, Genti Gazheli, nga Vilma Guri, përfaqësuese e EXBS Regional Program, pranë Ambasadës së USA, në Tiranë.
Zoti Gazheli vlerësoi rëndësinë e strukturave doganore, sidomos në luftën ndaj fenomeneve të kundraligjshme, si dhe kërkoi nga strukturat profesionalizëm dhe efektivitet të shtuar kundër çdo shkelje ligjore apo trafiku të paligjshëm.
Përfaqësuese e EXBS Regional Program, zonja Guri shprehu angazhimin për mbështetje edhe në vazhdim për Doganat Shqiptare.