Gazheli: Shkëmbimi i informacionit dhe bashkëpunimi me autoritetet doganore franceze shumë i rëndësishëm për ADSH (Publikuar dt. 16/03/2021)

Drejtori i Përgjithshëm i Doganave, Genti Gazheli, priti në një takim z. Julien Autret,  dhe Christophe Bergeon , Atashe Doganorë Francez për Europën Lindore dhe Ballkanin, me seli pranë Ambasadës Franceze në Beograd.

Si shumë të rëndësishëm  bashkëbiseduesit vlerësuan shkëmbimin e  asistencës  së ndërsjelltë midis dy administratave doganore në fushën e ngritjes së kapaciteteve. Gjithashtu shkëmbimi  i informacionit mes strukturave respektive si dhe implementimi i projekteve të përbashkëta në të ardhmen kryesisht në fushën e kontrollit  veçanërisht  në fushën  e transportit detar të mallrave.

Gazheli konfirmoi gadishmërinë e Administratës Doganore Shqiptare për intensifikimin e bashkëpunimit,  si dhe falenderoi Ambasadën Franceze dhe Doganën Franceze për asistencën dhënë në vite.