Strukturat e ADSH trajnohen nga OBD dhe UNODC (Publikuar dt. 17/02/2021)

Drejtori i Përgjithshëm i Doganave, Genti Gazheli, mori pjesë në hapjen e seminarit mbi partneritetin mes Njësisë së Kontrollit të Kargove Ajrore dhe Operatorëve Private, nën asistencën e ekspertëve të Organizatës Botërore e Doganave dhe me UNODC (United Nations Office on Drugs and Crime).

Në hapjen e këtij seminari morën pjesë përfaqësuesi i OBD, Ketil Ottersen, dhe Ela Banaj, përfaqësuese e UNODC (United Nations Office on Drugs and Crime).

Në fjalën e tij zoti Gazheli, vlerësoi, se nevoja për një partneritet mes biznesit dhe agjencive që operojnë në kufi, qoftë ai tokësor, detar apo ajror, do të thotë të nisësh një proces të rregullt konsultimesh, si dhe të vendosësh objektivat për ta çuar përpara këtë partneritet.

Organizata Botërore e Doganave sëbashku me UNODC (United Nations Office on Drugs and Crime) përmes Programit të Kontrollit të Kontenjerëve janë përpjekur që me shembuj të thjeshtë, fleksibël dhe të ndryshëm, të përshtasin në skenarë të ndryshëm të administratës doganore dhe të biznesit, të cilët kanë  asistuar  Njësitë  e Kontrollit të Kargove, si dhe në hartimin e një procesi të rregullt konsultimesh dhe të një partneriteti me biznesin.

Sipas Gazhelit, angazhimi Njësi-Biznes-Doganë-Biznes është një element thelbësor që ndihmon në zbatimin e legjislacionit dhe të rregulloreve.

Një partneritet solid do të cojë në lehtësimin e procedurave të kontrolleve kufitare dhe do të ndihmojë në arritjen e objektivit të përbashkët për ngarkesa të sigurta, të përpunuara në mënyrë të sigurtë, në kohë, eficente dhe në mënyre efikase”, tha Gazheli.