Gazheli- Gümüs: Rrisim bashkëpunimin mes dy administratave doganore (Publikuar dt. 07/01/2021)

Drejtori i Përgjithshëm i Doganave, Genti Gazheli, ndodhet në Turqi, për një vizitë zyrtare me Kryeministrin Edi Rama.

Në ditën e dytë të vizitës  në Ankara, zoti Gazheli zhvilloi një takim me homologun Mustafa Gümüs, ku u diskutua mbi  bashkëpunimin konkret në fusha me interes të përbashkët.

Intesifikimi i marrëdhënieve dypalëshe,  rritje e shkëmbimit të informacionit, zhvillimi i trajnimeve të përbashkëta për të rritur efikasitetin e strukturave doganore në përballimin e sfidave që koha na përball, ishin disa nga temat kryesore që krerët e Doganave respektive trajtuan gjatë këtij takimi.

Kreu i Doganës Shqiptare vlerësoi bashkëpunimin e deritanishëm më Doganat Turke, si dhe shprehu angazhimin e shtuar  për implementimin e projekteve të përbashkëta.