Gazheli viziton Degët Doganore të Fierit dhe Beratit (Publikuar dt. 23/10/2020)

Drejtori i Përgjithshëm i Doganës, Genti Gazheli, zhvilloi vizita në Degët Doganore të Fierit dhe Beratit.

Gjatë takimit me doganierët e këtyre Degëve, Z. Gazheli diskutoi mbi punën e përditshme dhe problematikat e këtyre degëve, që edhe pse janë Dogana të brendshme, kanë rëndësi në marrëdhëniet me  sipërmarrjen.

Kreu i Doganës Shqiptare  kërkoi performancë në nivele të larta të  çdo doganieri sidomos në krijimin e  lehtësirave ndaj operatorëve ekonomikë.

Duke qënë se këto Degë Doganore janë pjesë e doganave të brendshme kanë një rol  të rëndësishëm sidomos në kontrollin  e mallrave të akcizës.