Gazheli në Morinë: Rritje të performancës në shërbim të biznesit (Publikuar dt. 17/10/2020)

Drejtori i Përgjithshëm i Doganës, Genti Gazheli, zhvilloi një vizitë në Degën Doganore të Morinës. 

Gjatë takimit me doganierët e kësaj Dege, Z. Gazheli diskutoi mbi punën e përditshme dhe problematikat e kësaj dege, ku kërkoi rritje të performancës së çdo doganieri sidomos në krijimin e  lehtësirave ndaj operatorëve ekonomikë. 

Duke qënë se kjo Degë Doganore është pjesë e Pikës së Përbashkët me Kosovën, një rëndësi e veçantë iu kushtua bashkëpunimit mes dy Doganave, çka ndikon në rritjen e shkëmbimeve tregtare mes dy vendeve.