Drejtorët e Doganave të Ballkanit mblidhen në Ohër, diskutohet për bashkëpunimin Rajonal (Publikuar dt. 28/02/2020)

Bashkëpunimi rajonal në fushën e Doganave është mjaft i rëndësishëm në krijimin e lehtësive për biznesin dhe zhvillimin e tregtisë së ligjshme.

Drejtori i Përgjithshëm i  Doganave, Gjon Bardhi,  mori pjesë në Takimin  Rajonal Informal të 5-të të Nivelit të Lartë të Drejtorëve të Përgjithshëm të Administratave Doganore të Vendeve të Ballkanit Perëndimor,  në Ohër.

Gjatë këtij takimi u diskutua mbi  përgatitjen e qasjes së përbashkët  të shërbimeve doganore  në Rajon  për të bërë progress në  bashkëpunimin ekonomik në Ballkanin Perëndimor.

Në këtë takim mori pjesë dhe zyrtar i  Drejtorisë për Punë Doganore dhe të Ardhurave të Mbretërisë së Bashkuar, Adam Uodrou, përfaqësues nga Organizata Botërore e Dogana dhe AKU.

Diskutimet   në këtë takim u përqëndruan në prioritetet e Nënkomitetit të Ceftas për Doganat dhe rregullat e origjinës, që për vitin 2020 do të drejtohet nga Administrata Doganore e Maqedonisë, ku fokusi kryesor  lidhet me zbatimin e strategjisë së përbashkët të riskut dhe njohjes reciproke të AEO-ve.

Një vend të vecantë në këtë takim zuri rritja e bashkëpunimit, jo vetëm e aurtoriteteve doganore, por edhe  me agjencitë e tjera që veprojnë në kufi, sic është AKU.

Takimi i Ohrit është i pesti i këtij lloji dhe vjen si vazhdimësi e Takimeve Rajonale Informale të Nivelit të Lartë të Drejtorëve të Përgjithshëm të Administratave Doganore të gjashtë vendeve të Ballkanit Perëndimor (WB6) – që janë organizuar më parë  në Shkup, Tiranë, Podgoricë dhe Prishtinë.

Takimi i rradhës u vendos të zhvillohet në Tiranë.