Gjokuta: Lehtësimi i procedurave dhe tarifave doganore do rrisë shkëmbimet tregtare në rajon (Publikuar dt. 18/09/2019)

Drejtori i  Përgjithshëm i Doganave Shqiptare, Arlind Gjokuta, mori pjesë, si një nga panelistët kryesorë në Forumin Ekonomik Rajonal  që u organizua në Shkup, nga Oda Ekonomike e Maqedonisë së Veriut.

"Lehtësimi i tregtisë përmes bashkëpunimit institucional mes Shqipërisë, Kosovës dhe Maqedonisë së Veriut", ishte tema për të cilën  u diskutua  në  këtë Forum, ku drejtorët e Doganave të Shqipërisë, Kosovës dhe Maqedonisë së Veriut, ishin "të unifikuar" në ide e prioritete.

Ata theksuan nevojën për një bashkëpunim më të madh ndërinstitucional për të lehtësuar tregtinë mes vendeve respective. Gjatë panelit të Drejtorëve të Doganave, zoti Gjokuta informoi të pranishmit në këtë Forum mbi arritjet e deritanishme të Doganës Shqiptare, por edhe objektivat ku  ky institucion synon të arrijë. Lehtësimi i procedurave dhe tarifave doganore do të bëjë që shkëmbimet tregtare mes këtyre vendeve të rriten si dhe do të ndihmojnë në rritjen e konkurrueshmërisë së bizneseve përtej tregut rajonal.