ADSH pjesëmarrëse në Këshillin e Bashkëpunimit Doganor të OBD-së (Publikuar dt. 29/06/2019)

Drejtori i Përgjithshëm i Doganave, Arlind Gjokuta, mori pjesë në Sesionin e 133-të/134-të të Këshillit të Bashkëpunimit Doganor të OBD-së, i cili u zhvillua më 27-29 qershor 2019, në Bruksel, Belgjikë.
Gjatë këtij Sesioni u diskutuan çështje të ndryshme si në aspektin politik (Rishikimi i Sistemit të Harmonizuar, Rishikimi i Konventës së Rishikuar të Kiotos, E- commerce, Plani i Ri Strategjik 2019-2022) dhe në aspektin teknik (Ngritja e Kapaciteteve, Çështje të Tarifës dhe Tregtisë, Pajtueshmëria dhe Lehtësimi).
Gjithashtu gjatë këtij Sesioni u zhvilluan zgjedhjet për Pozicionin e Drejtorit të Drejtorisë së Ngritjes së Kapaciteteve dhe Drejtorin e Drejtorisë së Pajtueshmërisë dhe Lehtësimit në OBD. Z. Pranab Kumar Das, nga India u zgjodh Drejtor i Drejtorisë së Përputhshmërisë dhe Lehtësimit dhe Z. Taeil Kang, nga Koreja u zgjodh Drejtor i Drejtorisë për Ndërtimin e Kapaciteteve dhe të dy do të bashkohen me Sekretariatin në janar 2020. Përveç kësaj, z. Dicksons Collins Kateshumbëa, Komisioner i Doganës së Ugandës, u zgjodh si kryesues i ardhshëm i Këshillit.
Në këtë Sesion merrnin pjesë Drejtorët e Përgjithshëm të 183 Administratave Doganore.