Bashkëpunim me partnerët për të rritur nivelin profesional (Publikuar dt. 21/06/2019)

Struktura të Administratës Doganore Shqiptare në gjithë këto vite vazhdojnë të trajnohen dhe të marrin eksperiencat më të mira ndërkombëtare duke rritur nivelin profesional në shërbim të qytetarëve dhe biznesit.
Në kuadër të bashkëpunimit me autoritetet franceze, si një ndër partneret kryesore, u zhvillua trajnimi i strukturave të Departamentit Operativo Hetimor.
Ky trajnim kishte fokus kryesor mënyrat dhe teknikat e operimit në terren të këtyre strukturave në mënyrë që ata të jenë sa më efektiv për të shërbyer në luftën kundër tregtisë së paligjshme dhe krimit ndërkufitar.
Gjatë një ceremonie të zhvilluar në mjediset e Ambasadës Franceze, në Tiranë, u shpërndanë dhe certifikatat për të trajnuarit.
Ambasadore e Francës në Shqipëri, znj Christina Vasak në përfundim të këtij trainimi, i cili ishte i një niveli të lartë profesional, theksoi rëndësinë e luftës kundër trafiqeve dhe pritshmërinë e partnerëve që këto trajnime të materializohen me rezultate konkrete në terren. Ajo rikonfirmoi mbështetjen e Qeverisë Franceze për vijimin e asistencës për Doganat Shqiptare. Ndërsa Drejtori i Përgjithshëm i Doganave, Arlind Gjokuta, pasi falenderoi Ambasadën Franceze, si dhe Doganat Franceze për asistencën e dhënë në vite për palën shqiptare, garantoi që këto trajnime do të materializohen në rezultate konkrete në terren.