Gjokuta: Bashkëpunimi me partnerët i rëndësishëm për Doganat (Publikuar dt. 10/04/2019)

Për  Administratën Doganore Shqiptare  një rëndësi të veçantë  ka  bashkëpunimi me partnerët ndërkombëtarë  sidomos në fuqizimin e kontrollit kufitar.

Drejtori i  Përgjithshëm i Doganave,  Arlind Gjokuta, zhvilloi një takim me Mark Laming,Zëvëndësdrejtor i Targetimit të Deparatementit të Informacionit të Forcave të Kufirit, të Mbretërisë së Bashkuar (UK Border Force).

Ky takim u bë në kuadër të Projektit Ndërkombëtar “Hunter”,(2018 – 2021) si dhe të thellimit të bashkëpunimit midis administratave doganore shqiptare dhe britanike.

 UK Border Force Project “Hunter” ka për qëllim të ndërtojë në nivel ndërkombëtar aftësimin në grumbullimin, analizimin dhe shënjestrimin në fushën e mbledhjes të informacioneve dhe të dhënave për mallra dhe pasagjerë.

Qëllimi i këtij Projekti është të pengojë lëvizjen përtej kufijve kombëtarë të individëve dhe mallrave që do të dëmtonin interesin kombëtar të këtyre vendeve duke rritur kontrollin efektiv të kufijve.

Drejtori i Doganave, Gjokuta  u shpreh gjatë këtij takimi se bashkëpunimi do të jetë përmes zhvillimit të analizave të të dhënave në pikat kufitare, detare, ajrore dhe konteniereve duke targetuar  në bazë të të dhënave të grumbulluara.

Gjithashtu bashkëpunimi  do të fokusohet në krijimin e partneritetit me synim mbështetjen e proçeseve të punës, aftësimin në targetimin e risqeve, ndërtimin dhe zhvillimin e sistemeve me qëllim dhe përdorimin me eficencë të infrastukturës aktuale.