Fillojnë përgatitjet për hapjen e zyrës së doganës së Kosovës në Portin e Durrësit (Publikuar dt. 08/12/2018)

Në kuader të bashkëpunimit mes dy qeverive, si dhe ne zbatim te vendimeve te dyja qeverive, me datë 7 dhe 8 në Tiranë dhe Durrës janë takuar Drejtori i Përgjithshëm të Doganës së Kosovës z. Bahri Berisha, me Drejtoren e Përgjithshme të Doganës së Shqipërisë znj.Belinda Ikonomi. Gjatë këtij takimi së bashku me grupet e punës nga të dyja Admnistratave është diskutuar mbi procedurat teknike për hapjen e zyrës Doganore të Republikës së Kosovës në portin e Durrësit.

Krahas takimeve u bë vizita në portin e Durrësit me të cilën u ndanë edhe zyrat dhe ambientet e punës, për punonjësit e Doganës së Kosovës, që do të kryejnë procedurat doganore të tranzitit.

Hapja e kësaj zyre do të lehtësojë tregëtinë, lëvizjën e shpejtë të mallrave dhe të pasagjerëve. Kjo pritet të reduktojë edhe kostot e bizneseve, si dhe do të ndihmojë që të rritet ekonomia e të dyja shteteve.
Procedurat në portin e Durrësit nga Dogana e Kosoves do të fillojnë që nga muaji Janar 2019.