Seminari mbi mostrimin e mallrave mbledh 20 vende europiane në Tiranë (Publikuar dt. 08/10/2018)

Drejtoria e Përgjithshme e Doganave organizoi trajnimin për mostrimin e mallrave.  “Sampling manual for customs and tax authorities” (SAMACTA), që u zhvillua në Tiranë, në 2-4 Tetor, u realizua  nga fondet e Programit “Dogana 2020”, i Bashkimit Europian.

Trajnimi përfshiu aspekte teorike dhe praktike të procedurave të mostrimit të mallrave. Manuali i mostrimit të mallrave mbështetet në  aspekte ligjore, procedura të përgjithshme, njohuri për ruajtjen e shëndetit dhe sigurinë në kryerjen e procedurave të mostimit.

Gjithashtu gjatë këtij trajnimi u synua një rritje e aftësive praktike për kryerjen e mostrimit për grupmallra të ndryshme nëpërmjet demostrimeve praktike, shembujve konkretë të mostrimit të mallrave në doganë.

Demostrimet praktike për grup-mallrat u realizuan në Degën Doganore Durrës, për mallrat të cilat ishin në proçes në laboratorin doganor, për pije alkolike në ambjentet e një operatori ekonomik  dhe  për produktet hidrokarburike u mostruan në Porto Romano.

Në këtë trajnim  ishin pjesëmarrës përfaqësues të Administratave Doganore të 20 shteteve Europiane.