Bashkëpunimi në shkëmbimin e informacioneve, Ikonomi merr pjesë në Forumin vjetor të Rojeve Bregdetare të Mesdheut (Publikuar dt. 10/07/2018)

Rritja e bashkëpunimit  dhe bashkërendimi i veprimeve  duke  shkëmbyer  informacionin midis vendeve do të bëjë  që  të  forcohet  më tepër lufta kundër trafiqeve të paligjshme dhe të qënieve njerëzore. 
Me ftesë të Sekretariatit të Përgjithshëm të Detit, strukturë e Kabinetit të Kryeministrit të Francës, Drejtoresha e Përgjithshme e Doganave, Belinda Ikonomi,  mori pjesë në Forumin vjetor të Rojeve Bregdetare të Mesdheut, si  dhe vizitoi  Drejtorinë Ndër-rajonale të Doganave të Marsejës.
Në këtë  Forum  ishin të pranishëm autoritetet ushtarake dhe civile që veprojnë në Detin Mesdhe.
Forumi analizoi situatën aktuale në Detin Mesdhe,  si dhe vuri theksin me bashkëpunimin, bashkërendimin e veprimeve dhe shkëmbimin e informacionit, ku fokusi kryesor ishte lufta kundër trafiqeve të paligjshme dhe të qënieve njerëzore.
Znj. Ikonomi gjithashtu vizitoi Drejtorinë Ndërajonale të Doganave, me seli në Marsejë, ku  njoh ndër të tjera me veprimtarinë dhe teknikat e strukturave ligjzbatuese të doganave franceze në luftë kundër trafikut të narkotikeve dhe kontrabandës së cigareve,  e cila po bëhet gjithënjë e më shumë problematike për doganat franceze e më gjërë.
Me interes u vlerësua Sistemi Informatik Inteligjent i Mallrave, në Portin e Marsejës,  ku janë të lidhur të gjithë strukturat që veprojnë në port dhe shkëmbejnë midis tyre të dhëna në kohë reale, duke ndikuar ndjeshëm në reduktimin e kohës së përpunimit të mallrave,  si dhe në forcimin e sigurisë kombëtare.