Dogana Shqiptare merr pjesë në Sesionin vjetor të OBD (Publikuar dt. 05/07/2018)

Bashkëpunimi midis administrative doganore, lehtësimi i tregtisë  dhe siguria, ishin disa nga temat e diskuturara  në Sesionin e 132-të Vjetor i Këshillit të Organizatës Botërore të Doganave (OBD) . Ky është  organi më i lartë vendimmarrës i Organizatës, që u zhvillua në Bruksel, Belgjikë më 28 - 30 qershor 2018  nën drejtimin e Kryetarit, Enrique Canon, Drejtori i Përgjithshëm i Doganës, Uruguaj.

Në këtë aktivitet  morën pjesë Drejtorët e Përgjithshëm të Doganave dhe përfaqësues të anëtarëve të OBD.

Diskutimet e këtij sesioni u zhvilluan mbi gjashtë fushat prioritare:

-lehtësimi i tregtisë,

-e-tregtia dhe sfidat që ajo paraqet,

-siguria dhe rëndësia e miratimit të një qasjeje rajonale në këtë drejtim,

-flukset e paligjshme;

-bashkëpunimi doganor;

-matja e performancës, duke përfshirë dialogun që OBD ka krijuar me organet ndërkombëtare dhe kombëtare që masin proceset e tregtisë dhe doganave.

Anëtarët e OBD pranuan rolin kritik të luajtur nga ngritja e kapaciteteve, hulumtimi dhe shkëmbimi i inteligjencës dhe informacionit. Gjithëashtu u theksua nevoja për zgjerimin e bashkëpunimit me biznesin dhe agjencitë qeveritare relevante dhe riafirmuan rëndësinë e përdorimit të analizës së të dhënave dhe mjeteve analitike për të përmirësuar menaxhimin e riskut.

Gjatë këtij sesioni u rizgjodh për të tretën here Sekretari i Përgjithshëm aktual, z.Kunio Mikuriya, për një mandat tjetër pesë-vjeçar me efekt nga 1 janari 2019.