Të mbrojmë konsumatorin, Doganat në Ditën e Europës (Publikuar dt. 09/05/2018)

Në kuadër të  9 Majit, Ditës së Europës, përfaqësues të njësive të ndryshme të Administratës Doganore Shqiptare , iu bashkuan “Fshati i BE-së”, që  u hap në Sheshin “Skënderbej”, me mbështetjen  Delegacionit të  BE-së në Tiranë. 

Përvec  asistencës për  njerëzit, bujqësinë, mjedisin, kulturën, arsimin dhe  ekonominë, një stendë e vecantë iu kushtua Doganës. Krahas ekspozimit të një prej automjeteve të dhuruara nga  fondet e BE-së, për antikontrabandën në Doganë, vëmendje tërhoqi stenda  e ngritur nga Drejtoria për Mbrojtjen e Pronësisë Intelektuale.

Kështu për të mundësuar një mbrojtje të së drejtave të Pronësisë Intelektuale, si dhe për të arritur të njëjtin nivel mbrojtjeje për çështjen e Pronësisë Intelektuale, si në vendet e Bashkimit Evropian, qytetarë të ndryshëm u njohën me cka flitet shpesh, mbrojtja e konsumatorit dhe shëndetit publik nga mallra të falsifikuara/pirate, pasojat e të cilave  shkaktojnë  edhe humbje të të ardhurave në buxhetin e shtetit, që vinë si pasojë e mallrave që cenojnë një të drejtë të Pronësisë Intelektuale.

Për këtë qëllim u ekspozuan mjaft mallrat të falsifikuara që administrata doganore  ka sekuestruar dhe iu paraqitën qytetarëve  për të bërë të mundur mos konsumimin e tyre. Këto janë mallra jo ushqimore që vijnë nga vende të ndryshme. 

Tregtia në vendin tonë  tashmë është e hapur dhe BE zë vëndin kryesor. Bashkimi Evropian është bashkimi i 500 milionë qytetarëve, ekonomia më e madhe në botë, me një PBB vjetore prej 14 trilion eurosh. Është blloku më i madh tregtar në botë, partneri kryesor tregtar i 80 vendeve, donatori më i madh në botë i asistencës për zhvillim dhe ndihmës humanitare.