Shqipëri-Ukrainë: Synohet rritja e bashkëpunimit mes Administratave Doganore (Publikuar dt. 04/04/2018)

Drejtore e Përgjithshme e Doganave, zonja Belinda Ikonomi priti sot në një takim zyrtar Drejtorin e Përgjithshëm të Doganave dhe Tatimeve të Ukrainës, zotin Myroslav Prodan. Gjatë këtij takimi u diskutua mbi mundësitë e bashkëpunimit në fushat e shkëmbimit të informacionit dhe asistencës teknike. Zonja Ikonomi e informoi homologun mbi procesin e modernizimit të Administratës Doganore Shqiptare. “Me Ukrainën ekzistojnë marrëdhënie shumë të mira bashkëpunimi edhe në kuadër të anëtarësisë dhe veprimtarive të përbashkëta me Organizatën Botërore të Doganave, vlerësoi zonja Ikonomi, ndërkohë që shkëmbimi i informacionit ndërmjet dy administratave doganore kryesisht për asistencë administrative bazohet në Konventën Ndërkombëtare të Nairobit”.
Të dy bashkëbiseduesit ranë dakort që finalizimi me një nënshkrim marrëveshjeje të përbashkët bashkëpunimi do të ndikojë në përformancën e të dy administrative doganore.