Nënshkruhet në Londër Memorandumi për Bashkëpunim dhe Asistencë të Përbashkët për Çështjet Doganore (Publikuar dt. 28/02/2018)

Dogana Shqiptare dhe HMRC (Doganat dhe Tatimet e Madhërisë së Saj të Mbretërisë Së Bashkuar) nënshkruan sot një Memorandum Mirëkuptimi në Londër, Mbretëri e Bashkuar.

Ky Memorandum ka për qëllim vendosjen e themeleve të bashkëpunimit dhe asistencës së ndërjelltë duke siguruar përdorimin e efektshëm dhe efiçent të burimeve për të mbrojtur vëndet tona nga trafikimi i paligjshëm i mallrave duke vendosur dhe mbështetur marrëdhënie pune të përbashkëta dhe duke zhvilluar dhe përforcuar bashkëveprimin në praktikë në çështje me interes të përbashkët.

Një nga synimet kryesore të këtij bashkëpunimi është dhënia e mbështetjes në përmirësimin e modelit të zbatimit të legjislacionit doganor të orientuar nga informacioni dhe analiza e riskut.