Workshopi i organizuar nga OBD në Drejtorinë e Laboratorit Doganor Shqiptar (Publikuar dt. 14/02/2018)

Në datat 6 deri në 9 Shkurt 2018, në Drejtorinë e Laboratorit Doganor është zhvilluar workshopi i organizuar nga OBD.

Ky workshop kishte si qëllim modernizimin e Laboratorit Doganor Shqiptar, duke u fokusuar në tematikat të rëndësishme për të si: Klasifikimi i produkteve të kapitullit 27 të Nomenklaturës së Kombinuar të Mallrave dhe  Sigurisë në Laborator.

Eksperti i OBD, Z. Daniel Cardozo, prezantoi stafin e Drejtorisë së Laboratorit Doganor me vizionin e OBD mbi të ardhmen e laboratorëve doganore, si dhe ndau eksperiencën dhe njohuritë e tij në lidhje me:

1.      Sigurinë në Laborator,

2.      Përditësimin e seksionit të kimikateve , në Sistemin e Harmonizuar 2017,

3.      Klasifikimin e produkteve të kapitullit 27, duke kryer dhe ushtrime të ndryshme për të ilustruar me shembuj njohuritë e marra.

Ekspertja e Laboratorëve Doganorë të Greqise, Znj. Aleksandra Kelaidopoulou, pasi prezantoi mënyrën e organizimit dhe operimit të laboratorëve doganorë Grekë, trajnoi stafin e laboratorit në lidhje me:

1.       Përcaktimin e numrit të sapunifikimit në hidrokarbure, me metodën e titrimit potenciometrik (trajnim teorik dhe praktik).

2.      Përcaktimin e ujit prezent në hidrokarburet e lëngta, me metodën Karl Fischer (trajnim teorik dhe praktik).

3.      Klasifikimin e  mbetjeve të vajrave mineralë .

Në përfundim të këtij trajnimi, pjesëmarrësit u pajisën me Çertifikata pjesëmarrje, të lëshuar nga OBD.