Workshop në kuadër të Projektit të Binjakëzimit të BE-së "Modernizimi i Administratës Doganore Shqiptare" (Publikuar dt. 16/11/2017)

Drejtoria e Përgjithshme e Doganave organizoi dje më 15.11.207   një workshop në kuadër të Projektit të Binjakëzimit të BE-së "Modernizimi i Administratës Doganore Shqiptare".

Workshopi trajtoi rëndësinë jetike të bashkëpunimit midis Administratave Doganore dhe agjencive ligjzbatuese për të mbështetur autoritetet gjyqësore në kryerjen e hetimeve të krimit të organizuar. 

Funksionimi i plotë i mjetit të analizës  vizuale “ Analyst’s Notebook”, i prodhuar nga  IBM I2, u përshkrua nga një përfaqësues i Kompanisë Italiane “ Sistemi&Automazione” i ftuar posacerisht për këtë event i cili paraqiti të gjitha fushat e mundshme të aplikimit duke përfshirë aktivitetet doganore dhe policore të intelligjence-s dhe hetimit. 

Ekspertët e Projektit të Binjakëzimit  prezantuan praktikat më të mira  të bashkëpunimit midis doganave dhe policisë  italiane duke theksuar se bashkë me koordinimin e autoritetit gjyqësor mund të arrihen rezultate të mëdha. 

Në këtë workshop ishin të pranishëm edhe përfaqësues nga projekti PAMECA, të cilët mbështetën nevojën e bashkëpunimit nga ana e policisë duke theksuar rëndësinë e shkëmbimit të informacionit që gjendet në bazat e të dhënave që ka Policia e Shtetit Shqiptar dhe Dogana Shqiptare. 

Në përfundim të workshop-it pjesëmarrësit ranë dakord mbi nevojën e një  forcimi të bashkëpunimit midis Policisë së Shtetit Shqiptar, Doganave dhe Autoriteteve Gjyqësore, të cilët kanë për qëllim luftën kundër kundër krimit të organizuar, në bazë të shkëmbimit  të informacionit me iniciativë dhe me anë të  takimeve  të rregullta ndërmjet të gjithë agjensive zbatuese.