Njoftim mbi vizitën mësimore të studentëve të Fakultetit Ekonomik. Universiteti “Zoja e Këshillit të Mirë” (Publikuar dt. 13/07/2017)

Më datë 07.07.2017 në ambjentet e Drejtorise se Pergjithshme te Doganave dhe Degës Doganore Tiranë, u zhvillua aktiviteti “ Vizitë mësimore”, me pjesëmarrjen  e  studentëve të  Fakultetit Ekonomik , të Universitetit “Zoja e Këshillit të mirë”.

Aktiviteti u drejtua nga specialistë të Departamentit të Akcizës, Drejtoria e Financës dhe specialistë të Degës Doganore Tiranë.

Në përgjigje të interesit të studentëve dhe programit mësimor, në këtë aktivitet u trajtuan tematikat:

• Misioni i Administratës Doganore;
• Mbledhja e të ardhurave  doganore, konceptet bazë  të taksës doganore, TVSH në import, mënyra e përllogaritjes së tyre;
• Koncepte bazë mbi vlerësimin doganor, metodat e vlerësimit;
• Koncepte bazë mbi Ligjin e Akcizës, kategoritë e mallrave që paguajnë akcizë në RSH-së, mënyrën e llogaritjes së akcizës për çdo kategori;
• Minutazh bisede e lirë, pyetje-përgjigje mbi çështjet në interesat e studentëve;
• Demonstrim  praktik i procedurave të zhdoganimit, në terminalin e Degës së Doganës Tiranë.