Takimi i 13-të i Këshillit të SELEC (Publikuar dt. 01/12/2016)
Drejtoresha e Përgjithshme e Doganave Shqiptare, mori pjesë në Takimin e 13të të Këshillit të SELEC në Bukuresht, Rumani. Në këtë takim ishin ftuar përfaqësues të niveleve të larta nga Policia dhe Doganat e Vendeve Anëtare të SELEC, Anëtarët e Këshillit, si dhe delegatë të Partnerëve të SELEC.
Drejtori i Përgjithshëm i SELEC, z. Toni Jakimovski, prezantoi arritjet dhe aktivitetet e SELEC për vitet 2011-2016, si dhe objektivat kryesore për të ardhmen e Qendrës. Gjate prezantimit të arritjeve dhe aktiviteteve operacionale doli në pah rëndësia e bashkëpunimit në fushën e shkëmbimit të informacionit dhe hetimeve të përbashkëta nga njëra anë dhe nga ana tjetër sfidat dhe objektivat kryesore për të ardhmen me qëllim parandalimin dhe reduktimin e fenomeneve kriminale.
Gjatë qëndrimit të saj në Rumani, Drejtoresha e Përgjithshme e Doganave, znj. Ikonomi, zhvilloi disa takime bilaterale me zyrtarë të lartë të Administratave Doganore të Rajonit duke ndarë opinione mbi forcimin e mëtejshëm të marrëdhënieve ndërmjet Administratave Doganore, veçanërisht në fushën e shkëmbimit të informacionit.
Lidhje me Institucionet Kombëtare
