Bllokohen mallra të dyshuara si falsifikime në Portin e Durrësit (Publikuar dt.24.10.2025)

Në vijim të kontrolleve të detajuara për mbrojtjen e të drejtave të pronësisë intelektuale, Administrata Doganore, përmes strukturave të saj në Portin e Durrësit, ka realizuar një tjetër operacion kontrolli me rezultat pozitiv.

Bllokohen mallra të dyshuara si falsifikime në Portin e Durrësit 

Në vijim të kontrolleve të detajuara për mbrojtjen e të drejtave të pronësisë intelektuale, Administrata Doganore, përmes strukturave të saj në Portin e Durrësit, ka realizuar një tjetër operacion kontrolli me rezultat pozitiv.

 
Më datë 22 tetor 2025, gjatë kontrollit fizik të një konteineri, i përzgjedhur pas analizës së riskut dhe monitorimit nga sistemet e vlerësimit të rrezikut, u konstatuan mallra të dyshuara për falsifikim të markave të njohura ndërkombëtare.

 
Nga verifikimet rezultoi se brenda ngarkesës ndodheshin:

• 600 copë xhinse me logon DIESEL
• 200 copë xhinse Armani
• 400 copë xhinse Boss
• 103 copë tuta sportive Armani
• 48 copë bluza Diesel
• 25 copë xhupa Armani
• 2 copë xhupa Calvin Klein 

 
Në bashkëpunim me njësinë përgjegjëse për pronësinë intelektuale (IPR), u verifikua se artikujt e mësipërm përfaqësojnë marka të mbrojtura, ndaj u bë bllokimi i tyre në kontejnerin përkatës, i cili është vulosur zyrtarisht pas përfundimit të kontrollit.

 
Administrata Doganore Shqiptare mbetet e përkushtuar në zbatimin e rreptë të ligjit dhe në luftën kundër falsifikimit dhe tregtimit të paligjshëm të mallrave, për të mbrojtur bizneset e ndershme dhe konsumatorin shqiptar.