Njoftim mbi zgjatjen e orarit të punës për kamionët bosh në degët doganore Kapshticë dhe Kakavijë (Publikuar dt. 29/09/2025)

Drejtoria e Përgjithshme e Doganave njofton transportuesit dhe subjektet e interesuara se, në kuadër të dakordësimeve të arritura gjatë Takimit të 13-të Dypalësh të zhvilluar në Athinë, më 30 maj 2025, është vendosur zgjatja e orarit të punës për kamionët bosh në: 

✅ Degën Doganore Kakavijë

✅ Degën Doganore Kapshticë

Orari i ri: nga ora 22:00 deri në 00:00 (sipas orës greke). Ky ndryshim hyn në fuqi duke filluar nga e hëna, 6 tetor 2025.

Ky zhvillim është rezultat i bashkëpunimit të ngushtë ndërmjet administratave doganore dhe synon të lehtësojë fluksin në degët doganore, duke krijuar kushte më efikase për transportin ndërkufitar.