Takim i Drejtorit të Përgjithshëm të Doganave me ekipin e Bankës Botërore për projektin TTFP 2.0 (Publikuar dt. 02/09/2025)

Sot, më datë 2 shtator 2025, në ambientet e Drejtorisë së Përgjithshme të Doganave u zhvillua një takim pune mes Drejtorit të Përgjithshëm të Doganave, Genti Gazheli dhe ekipit të Bankës Botërore, në kuadër të misionit përgatitor të projektit “Western Balkans Trade and Transport Facilitation Project 2.0 (TTFP 2.0)”.  

 
Gjatë takimit u diskutuan: 

• përmirësimi i sistemeve të Administratës Doganore (ACA) dhe ndërlidhja me agjenci të tjera shtetërore; 

• projekti Green Lane në Pikën e Kalimit Kufitar Kakavijë dhe diskutime mbi pika të tjera kufitare; 

• granti për Programin e Transportit të Sigurt dhe të Qëndrueshëm (SSTP); 

• modernizimi i laboratorit doganor; 

• si dhe prioritetet e tjera të Administratës Doganore. 

Ky takim u zhvillua në kuadër të vizitës së ekipit të Bankës Botërore në Tiranë, më datat 1–4 shtator 2025 dhe shënon një hap të rëndësishëm drejt forcimit të bashkëpunimit për modernizimin e shërbimeve doganore dhe lehtësimin e tregtisë në rajon.