Drejtori i Përgjithshëm i Doganave, takim në UNCTAD mbi sistemin ASYCUDA (Publikuar dt. 10.07.2025)

9 Korrik 2025 – Drejtori i Përgjithshëm i Doganave, z. Genti Gazheli, zhvilloi një takim të rëndësishëm mbi përmirësimet më të fundit të sistemit doganor ASYCUDA – një platformë e avancuar që përdoret nga mbi 100 vende, përfshirë Shqipërinë.

Ky takim vjen në një moment kyç për Administratën Doganore Shqiptare, në kuadër të sfidave për anëtarësimin në Bashkimin Evropian dhe nevojës për modernizim të plotë të sistemeve IT.

Gjatë diskutimeve me përfaqësuesit e UNCTAD, u theksuan:
      •     Harmonizimi me standardet e BE-së;
      •     Rritja e transparencës dhe efikasitetit në procedurat doganore;
      •     Ndërveprimi me sisteme të tjera.

Drejtoria e Përgjithshme e Doganave mbetet e angazhuar për të ecur hap pas hapi me zhvillimet teknologjike globale, duke ndërtuar një administratë moderne, transparente dhe të sigurt – në shërbim të tregtisë dhe integrimit evropian.