Drejtori i Doganave Genti Gazheli pret Ambasadoren e Hungarisë, Martina Kasnyik (Publikuar dt. 09/04/2025)

Drejtori i Përgjithshëm i Doganave, Z. Genti Gazheli, priti ditën e sotme në një takim kortezie Ambasadoren e Hungarisë në Tiranë, Znj. Martina Kasnyik dhe eksperten e integrimit europian, Znj. Zsuzsanna Beszteri.

Gjatë këtij takimi u diskutua mbi bashkëpunimin e ngushtë, sidomos sa i përket marrëdhënieve ekonomike dhe nxitjen e tregtisë mes dy vendeve tona.

Drejtori i Doganave Z. Genti Gazheli i shprehu Ambasadores, Znj. Martina Kasnyik, mirënjohjen për mbështetjen e vazhdueshme që Hungaria i ka dhënë Shqipërisë, në veçanti sa i takon procesit të integrimit të vendit tonë drejt Bashkimit Europian.