Drejtori i Përgjithshëm i Doganave pret Atasheun e ri Doganor pranë Ambasadës së Francës për Europën Juglindore dhe Ballkanin (publikura me 27.03.2025)

Drejtori i Përgjithshëm i Doganave, Z. Genti Gazheli, priti sot në një takim Atasheun e ri Doganor pranë Ambasadës së Francës për Europën Juglindore dhe rajonin e Ballkanit, Z. Hugeus Chevalier, si dhe asistentin e tij, Z. Benjamin Offroy.

Të dy palët vlerësuan marrëdhëniet e ndërsjella në fushën e shkëmbimit të informacionit, si dhe asistencën teknike doganore. Në veçanti u vu theksi në mbikëqyrjen doganore në zonat portuale.

Përfaqësuesit e Doganës Franceze shprehën gatishmërinë për asistencën e mëtjeshme për strukturat doganore shqiptare në luftën kundër trafiqeve të paligjshme.