Vizitë kortezie e ambasadorit të Holandës në Shqipëri Reinout Vos (Publikuar dt. 26/03/2025)

Drejtori i Përgjithshëm i Doganave, Z. Genti Gazheli, priti në një takim kortezie Ambasadorin e Hollandës në Tiranë, Z. Reinout Vos. Gjatë takimit, Drejtori i Përgjithshëm i Doganave, Z. Genti Gazheli dhe Ambasadori Reinout Vos vlerësuan bashkëpunimin e shkëlqyer mes Shqipërisë dhe Hollandës sa i përket shkëmbimeve tregtare mes dy vendeve.

Drejtori i Përgjithshëm i Doganave i konfirmoi Ambasadorit Vos vendosmërinë e tij për të forcuar bashkëpunimin me bizneset hollandeze në vendin tonë. Ambasadori Reinout Vos siguroi Drejtorin e Përgjithshëm për vijimin e mbështetjes hollandeze dhe thellimin e bashkëpunimit të mëtejshëm bilateral.

Drejtori i Përgjithshëm i Doganave, Z. Genti Gazheli vlerësoi gjithashtu mbështetjen e vazhdueshme të Holandës në rrugëtimin e Shqipërisë drejt Bashkimit Europian.