Parandalimi i trafikimit të materialeve radioaktive, Drejtori i Doganave takim me përfaqësuesit e Departamentit Amerikan të Energjisë (publikuar 20.02.2025)

Doganat janë një nga hallkat më të rëndësishme në garantimin e sigurisë kombëtare, duke shërbyer si vijë e parë mbrojtjeje kundër çdo aktiviteti të paligjshëm që mund të cënojë vendin tonë. Një nga sfidat kryesore është parandalimi i trafikimit të materialeve radioaktive, një rrezik serioz për sigurinë publike dhe atë globale.

Në këtë kuadër, Drejtori i Përgjithshëm i Doganave, Genti Gazheli, zhvilloi një takim të rëndësishëm me përfaqësuesit e programit Nuclear Smuggling Detection and Deterrence (NSDD), i cili është pjesë e Departamentit Amerikan të Energjisë (U.S. Department of Energy). Ky bashkëpunim synon forcimin e kapaciteteve për zbulimin e materialeve radioaktive dhe përmirësimin e sigurisë në pikat kufitare.

Bashkëpunimi ynë me NSDD është një hap i rëndësishëm për të garantuar kufij më të sigurt dhe për të kontribuar në përpjekjet globale për sigurinë bërthamore.