Rregullat e reja të hyrjes së mallrave në BE, ekspertët e DGTAXUD më 13 mars webinar me operatorët ekonomikë shqiptarë mbi sistemin ICS2 (Publikuar 18.02.2025)

Duke filluar nga data 1 Prill 2025, operatorët e biznesit do të duhet të ofrojnë të dhëna për mallrat e dërguara në, ose përmes BE-së, përpara mbërritjes së tyre, nëpërmjet një Deklarate Përmbledhëse të Hyrjes (ENS) të plotë. Kjo pasi nga 1 shtatori 2025 sistemi aktual ICS1 do të hiqet gradualisht dhe sistemi ICS2 do të zëvendësojë sistemin ICS1 nëpërmjet një procesi krejtësisht të ri, në përputhje me Kodin Doganor të Bashkimit Europian. Mospërmbushja në kohë e kërkesave të sistemit ICS2 mund të sjellë si pasojë ndalimin e mallrave në kufijtë e BE-së dhe moszbatimin e formaliteteve doganore nga ana e autoriteteve doganore të BE.

DGTAXUD, në vijim të kërkesës së Administratës Doganore Shqiptare, do të organizojë më datë 13 mars ora 10:00 -12:30 një webinar ku ekspertët e KE do të bëjnë një prezantim të shkurtër online për Sistemin ICS2, ndërsa operatorët ekonomikë mund të bëjnë pyetje në lidhje me aspektet operacionale dhe teknike të ICS2.

Ky prezantim është i vlefshëm për të gjithë operatorët ekonomikë dhe transportuesit e regjistruar në RSH dhe që kanë marrë një numër EORI/RIOE në një nga vendet anëtare të BE. (Për më shumë info shiko në link: https://dogana.gov.al/d/171/219/0/1304/njoftim-per-shtyp-mbi-ndryshimet-ne-proceduren-e-hyrjes-se-mallrave-ne-bashkimin-europian-pas-dates-1-prill-2025-publikuar-dt-07-02-2025)

Më poshtë adresa Webex ku mund të merrni pjesë në këtë prezantim: https://ecconf.webex.com/wbxmjs/joinservice/sites/ecconf/meeting/download/ef16751b707b40abae685fa7815c56cb?siteurl=ecconf&MTID=m69b0fb49228c3ab26db5cb515c929e76