Urimi i fundvitit i drejtorit të Përgjithshëm të Doganave, Genti Gazheli (Publikuar dt. 24/12/2024)
Siç është kthyer tashmë në traditë, edhe këtë fundvit, drejtori i Përgjithshëm i Doganave Genti Gazheli ka uruar përmes një videomesazhi Vitin e Ri 2025. Duke u shprehur mirënjohës për punën e Administratës Doganore përgjatë gjithë vitit që po mbyllet, në mesazhin e tij ai shprehet se gjatë vitit të ardhshëm do të vijojë me të njëjtin ritëm rrugëtimi i viteve të fundit, gjë që do të çojë në një stad më të lartë standardet e Administratës Doganore.
Urimi i fundvitit i drejtorit të Përgjithshëm të Doganave, Genti Gazheli:
Përshëndetje Miq dhe Kolegë,
Është nder, krenari dhe privilegj për mua që t’ju uroj juve dhe familjeve tuaja Gëzuar Vitin e Ri 2025!
Në prag të këtij ndërrim viti, kur vështrojmë rrugëtimin që kemi bërë sëbashku shohim në radhë të parë një imazh krejtësisht të ndryshuar të Administratës tonë Doganore, të vlerësuar si asnjeherë tjetër nga institucionet ndërkombëtare dhe nga komuniteti i biznesit.
Në planin teknik arritjet janë spektakolare, si në fushën e mbledhjes së të ardhurave, ashtu dhe në fushën e dixhitalizimit të shërbimeve doganore, çka ka ndikuar ndjeshëm në reduktimin e kohës dhe kostos së qëndrimit të mallrave në doganë, por edhe në reduktimin e shfaqjeve korruptive.
Momentin kulminant në realizimin e aspiratës së popullit shqiptar, si dhe vizionit të Kryeministrit Rama drejt Shqipërisë 2030 e shënoi 16 Tetori i 2024, kur Shqipëria u ul plot dinjitet në tryezën e bisedimeve për anëtarësim në Europën e Bashkuar, ku doganat kanë një peshë të veçantë.
Skanimi që ekspertët më të mirë të Bashkimit Europian i kanë bërë vitet e fundit Administratës Doganore Shqiptare, në kuadër të aderimit në familjen e madhe europiane, si dhe vlerësimi i tyre pozitiv ka çertifikuar drejtimin dhe përpjekjet tona për të qënë në një kohë sa më të afërt pjesë e familjes së doganave europiane.
Edhe në vitin e ri 2025 jam i bindur se do ecim të sigurtë në rrugëtimin e nisur që do të çojë në një stad më të lartë familjen tonë doganore.
Me mirënjohje për punën e gjithësecilit që shërben në Administratën Doganore nga veriu në jug, nga lindja në perëndim, ju uroj Gëzuar Vitin e Ri 2025!
Lidhje me Institucionet Kombëtare
